رن التلفووووووون>>>>>الو الو سوسو موجوووده

من طرف **k@l** الخميس يونيو 12, 2008 3:55 am

السلاااااام عليكم ورحمة الله وبركاتة.....

اتحدي اي واحد يقرا هل القصه ولا يموت من الضحك؟؟
(تراني عيوني دمعت وأنا اقرأها)
وانا في عز النووم والسعااابيل الا فجــأه ..رن التلفووووووون.. وطبعا تلفووننا شاايل ابووي منه كل
الارقااااام .. مووب مخلي الا رقمين التسعه والثمااانيه .. يعني ماالك الاا تدق على الشرررطه ولا الدفااع المدنـي وغيررره مااافيه ...
المهم اني رفعت السماااعه واقوول نعم .. الا وذاااك الصوووت اللي يررد الروووح .. صوووت بنت
واخوووكم اذا سمع صووت بنت اووجعه بطنــه وانواااع الاسهاااال ...
وقااالت الووو
.. انااا مااعاااد عرررفت وش اقوووول انشلت برااااطمي ال ال ال ال لوووووو ..
قااالت .. مين معاااي ..؟؟
قلت .. معاااك انااا .. (( صرااحه جوااب يدل على ذكاائك ..!! ))
وهي اللي تضحك .. وانااا قلبي احسه مووب طبيعي قـااالبهاااا سااامري واستنزل عندي الكبد والبنكريااااس
انوااع الررربكه ..
وقاالت لي .. سوسو موجوووده ..؟؟
قلت لهااا .. ما ينفع حـوحـو ..؟؟
قاالت مين حـوحـو ..؟؟ ..
قلت .. هذا اسـم الدلـع حـق الحماار اللي هـو اناااا .
.. !! وضحكت للمرره الثاانيه على التواالي ..
وقاالت .. يؤيؤ .. شكلي غلطاانه .. طيب آسفــه ...
قلت لهااا .. لاعاادي.. لاشكــررر على واااجب .. (( دايم اسمع هالكلمه .. وجاالس احترري الفررصه اني اقولها ..!! )) .. وقفلت السماااعه ... :
تصدقووون .. ماادري وش صاار فيني .. حسيت بشعقريــره في جسمــي .. وان افرازااات الخشـم عندي زااادت .. وان ودي ارووح انبطــح في الحوووش واكتب قصيـده هجااائيه .. لاايكووون هـذا هــو الحـب اللي يقولوووووون ..
(( نعن ابو الحب اللي تعرررفه يالضفــدع ..!! :عاااااد انااا مااني متعووود على البنااااات .. لان ما شاالله بيتناااا فيـه خـمـســطـعـشـر رجااااال اللي هم انااا واخوااني وابووي وامــي .. ( الله يخلف على ابوك واميمتك هذا وانت اكبر اخوانك عليه العوض ومنه العوض: )) المهم .. يعني اناا واخوااني مااشفنااا بنت ابــد .. وهذا اللي سبب لناا عقــده تسمــى العقـده الفيسلووجيـه .. (( من وين جت ذي ..!! )) المهــم .. انـي قررت انــي اتعرررف على بناااات ... بس فيــه مشكلــه وحـــده اللي هـي انـي ماااعنــدي اسلووووب ابــد ...
(( يعنـي وقفـت على الاسلوووب .. نعن ابوووك انت عندك الف مشكلـه مو مشكله بس .. واهمهااا مشكلــة وجهـــك اللي كنـه لووحة انتبه اماامك نقـطة تفتيـش ..!! )) الوكاااد اني مااالقيت قداامي الاااا وااحد مـن العيااال اسمه عبدوووش .. معروووف ان البنااات ما يعوقوون معـاااه .. واناا اللي اللقـط مفتاااح سياارتي واروووح لــه
الوكاااد .. انــي رحــت لعبدوووش .. وعلمتــه بووضعـي وان امنيتــي في الحيااة اتعررف على بنـت قبل ما اموووت .. (( اخسسس يالشااايب ..!! )::
فقااال لي .. الساالفه بسيطــه .. اذا بغيـت البنـت تحبــك حسـسـهاااا انهااا احسـن وحــده فـي العااالم
قلت لـه .. يعنـي كيــف .. يعنـي
.. يعنـي كيــف .. يعنـي اقووولهااا انتـي احســن مـن مارادووونا ...!!
وهو اللي يرفسنـي برجلــه فـي بطنــي ..
وقاال لي .. انت ثووووور .. وش دخل مارادووونا يالغبـي .. !!
اناا قــصدي انـك تحسسهاا بانوثتهاااا وان ماافيه بنت غيرهااا في العااالم .. قلـت لـه .. برررضه ماافهمـت .. يعني تبينـي اذبـح كل البناات واخليهاا لحالهاااا ...!!
وهــو اللي يمووه علـي برررجلـه ويمحطنــي بيــده علـى جبهتـــي .....
وقاال لي .. شووف انت حمااار .. ومارااح تفهـم الا بالدرووس العمليــه ... ويطلــع جواااله ويــدق .. وقال لي .. شووف اناا هاللحين باكلـم وحــده..
. وتعلــم .. قلت لـه .. طيـــب ...
وكلم .. وقااال .. هلاا حياااتي هلاا عمـررري هلاا روووحي .. انااا لــؤي حبيبـك ومجنووونك ..
(( الحمدلله على العقل .. نعن ابووك وين لؤي معــه .. والله لو اشووف وجهـه في احســن الاحواال بعــد ما اعطيــه غيـر اسم جعـفــر .. قال ايش قال لـؤي ..!! )) .. :
وقاام يقوول لهااا .. احبــك وامووت فيــك .. اناا بدوونك مثــل البيـت بدوون حااره .. مثل التلفووون بـدوون حراااره .. مثل السوااق بدوون سياااره .. اناا البنـزين وانتــي الشراااره .. انااا الشاارع وانتي الاناااره ..اناا الروماانسيـه وانتـي الاثاااره
اناا مبنى التجاااره العااالمي وانتـي الطياااره ...
))قســم بالله اني بغيـت اضمــه وابووسه يووم سمعـت كلاااامه .. حسيت بشعووور غريب .. نعن ابليسه لو يكلم جداار كااان ذاااب ))
المهم .. انه خلـص المكاالمـه .. والتفـت لي ..
وقاال لي .. يالله دوورك .. باعطيـك رقـم بنــت وكلمهااا .. وقوول لهاا نفــس كلاامي ...
قلـت لـه بكـل خجـل .. طيـب ..
وهووو اللي يــدق علــى بنــت ويعطينـــي الجواال عشاان اكلمهااا ...
وانااا اللي اقوول الووووو ..
ويووم سمعــت صوووتهاا ضااعت علووومي .. ونسيـت كل الكلاااام ..
وقلت لهااا .. بابا فيـــن ..!!
ومااا حسـيت الاااا بذيـك الجزمـه اللي لااازقـه في مقفاااي ...
وقاال لي .. قـوووول نفس الكلاام اللي قلتـه يالثوووور ...
واناا اللي اقووول لهـااا ...
هلاا حيااتي هلااا رووحي هلاا تعااالي ..
وقالت .. طيب وبعــدين ...
قلت لهااا .. انااا بدوونك مثـل الكيبووورد بدوون فاااره .. مثل التقااطع بدووون اشاااره .. مثـل الحمااار بدووون حماااره ... مثل السلطـه بدووون خياااره .. انااا
محترررف وانـي نظااام الإعاااره ... انااا الولاااعه وانتـي السجاااره ... انااا الددســن وانتـي الغماااره ... انااا الصرصووور وانتـي البياااره ...
اناااا طوووط طوووط طوووط طوووط ... قفلـت الخـط في وجهــي ....
قاال عبدووووش .. وش فيــك ؟؟ .. قلـت لـه .. لاا ابــد الخــط مشغوووول ...!!
(( ماايعررف يصررف ابــــد ..!! ))
ومااادريت الاا وعبدووش مطلــع لووح فيه مساامير ودبجنــي فيــه اللين قلــت للعنــز ياخاااله ...:
المهـم .. اني رجعــت للبيـت ودماااني تصـب ومااليه وجهـي من كثر الطق اللـي جاااني مـن عبدووش00
لدررجة ان اللي يشووفني ماا يعررفني .. طاالع كنـي مسااابقـة .. (مـن صااحب هــذه الصوووره) .. اللي يحطوونها في المجلااات ...
واناا اللي ادخـل البيــت بشووويش عشاان مايشووفني احــد .. واطلـع غررفتي واسكــر الباااب واناااام ... وفـي عــز النوووم ..
دق جررس التلفووون .. واررفع السماااعه .. الا هـي نفـس البنــت اللي كلمتنـي اول مررره ..
قلـت.....

من طرف **k@l** الخميس يونيو 12, 2008 4:05 am

الا هـي نفـس البنــت الي كلمتنـي اول مره .. قلـت .. نعــم .. قالت .. سوسو موجوده ..؟؟ قلـت لهـا .. شوفي .. بيتنا كلــه شباب .. ومافيه احـد يبدا اسمـه بحرف السيــن .. انا واخواني كلنا اسمنا خالد .. وما فيه الا اخوي الصغيــر فهــد هو الي اسمــه نايف ونناديه عبدالرحمـن .... (( وش عنــده عادل امام..!! )) والبنــت كررتها ضحكــه .. وقالت ما شاء الله دمـك خفيــف ... ((هي تحسبني استهبل مادرت اني دلخ من جد )) وقلــت لها .. شكــرا .. (( مسوي مؤدب ..!! ))
وسـألتنـي البنــت .. وش تسوي هاللحيــن ..؟؟ .. قلت لها .. والله كنـت نايم ... قالت .. يؤ يؤ تنام في الليل انــت ..!! .. قلت .. اجــل متـــى انام ..؟؟ قالت .. لا انا انام في النهار واسهر في الليـل ... قلـت لها .. ليـش الاخـــت بومـه ..!! قالت .. لا بس الليل وقـت الرومانسيه .. انت تعرف الرومانسيه ..؟؟ قلت لها .. لاوالله ما اعرف بنات انا ...!! (( مسوي فيها فاهم ..!!)) وسألتنـــي .. انت وش اسمــك ..؟؟ قلت لهـا مصيول قالت وش معناه .. قلت لها .. هذا اسـم كلـب كان عنــد جـدي وسماني ابوي عليـه لانـي اشبـهه .... وسألتها .. وانتــي وش اسمــك .. قالت .. داليدا .. قلت لها .. انا ابي اعرف اسمــك مو عيارتك ...!! قالت .. هــذا اسمــي ..!! (( هذوللي البنات .. تسألها وش اسمـك .. تقول رهـف ولا شوق ولا افنان .. ولو
عذري بس انه من جنبها ..!! )) سويت فيها اسلوب وقلت لها اني حبيت وحده بس انتهى هالحب .. لان الي حبيتها خانتني ... قالت لي .. من حبيـت ..؟؟ قلت لها .. حبيـت عنـز جيراننا .. بس انها خانتني مـع تيــس سوري عشان لـه قــذلـه ...!! المهم .. ان البنت قالتلي .. اوكي اكلمك بكره لان امـي تناديني .. قلت مو مشكلــه .. وتطورت العلاقه .. وصرنا نكلم بعــض كـل يوم .. وانا انقلــب حالي .. ولاحظوا اهلــي انــي تغيــرت .. يعني نكون جالسين على الغـدا ولا العـشا وانا ما آكــل .. سارح وانغــف .. وبعـض المرات انسى اصبعـي داخل خشمــي
ولاحظوا اهلــي انـي صرت مؤدب واقرا واجد .. وانا اقر عشان اعرف كلام جديد في الحـب .. تلقاني اقرا كتـب الشعــر والحب والطبـخ .. (( لا تستغربون لان كتب الطبخ اتعلم منها كلام حلو بعـد مثـل .. ياعسـل , ياحليـب , ياقشطـه , ياكريم
كرامل ..!! )) وبرضه صرت ادخـل كتــب ممنوعه للبيـت .. مثل كتاب .. ماذا تفعـل في ليلـة الدخلــه .. وكتاب .. سنـه اولى زواج ... بس المشكله انها ضاعت هالكتـب منــي وصرت اروح عند بيارة جارنا الي طافحه واقعـد افكر واتـأمل وارمي حصى وسط البياره ....(( مسوي رومانسي .. مثل الي يجلسون على البحر ويرمون حصى ..!! )) المهم .. انه في ليلـه من الملاليل .. قالت لي البنـت 00مصيوول.. اوصـفلي شكلــك ..!! ياوالله البلشــه .. وش اقولها هذي هاللحين .. اقولها اني قرد .. اعترف لها بالحقيقه المره واقولها اني جدار مالي ملامح ... اعترف لها اني شبيه عبدالله سليمان((الف حمد لله وشكر ))الوكاد انـي قلت في نفسي .. ياولد خلني اسوي مثـل كل الشباب .. وانصـب عليها يعني تلقـى الواحد من الشباب شين واذا شفته في الشارع ماتدري هو رايح ولا جاي لان وجهـه ماله معالم .. ولو تشوف وجهه تحسبــه واحد معطيـك مقفاه .. يعني مفروض يحـط لوحه على وجهـه ويكتـب .. ترى هذا وجهـي .. عشان الناس مايلخبطون بين وجهه وقفاه ...!! المهــم .. انـي قلـت لهــا .. انا عيوني مثل عيون جواد .. وطولي مثل طلال الرشيـد .. وخشمـي مثـل خشـم خالد عبدالرحمن .. وملحـي مثل ملـح راشد الماجد .. ومهضوم كثير مثـل رامي عياش ... (( والله ما ناقص الا تحط ملحـن معاهم ويكمـل الاوبريت ..!! ))
الوكاد .. ان البنــت شكلها خقـت معــي وقامت تشاهق من الفرحه .. وسألتها انا وانتي اوصفيلي شكلـك .... قالت .. ما اقدر .. لما تشوفيني بتعرف .. لان مالي شبيـه .. (( اخسس يا بريتنــي ..!! )) .. وانا الي افـك خشتــي وسعابيلي تقوطر .. كني كلـب شايف له عظمــه ... وقلت لها .. يعني باشوفك ..؟؟ قالت .. اكيــد .. انا بكره باروح شاليهات اليمامه الي على طريق الرياض الخرج .. ونتقابل هناك .. قلت لها .. بس هذيك للعوائل بس .. قالت عاد انت دبر نفسـك ... قلت اوكي مو مشكلــه بس كيف اعرفك ... قالت بيننا الجوال .. اذا وصلت كلمني وانا اعلمك وين تلقاني .. قلت لها خلاص الوعـد هناك .... المهم .. اني انا توهقت .. وش لون ادخــل الشاليهات وهي للعوايل ... وقلت مالي الا عبدوش .. اتصل عليه واتفاهم معاه ... ودقيت عليه .. ورد علــي وقال بعصبيه .. نعم وش تبـي يالغبـي ..؟؟.. وعلمتــه بالسالفه من سلسل اللين طقاق عليكم ..((تراني اقصد من طقطق اللين السلام عليكم بس مدلخ شوى ))وقال لي .. والله صعبـه وش بتسوي .. قلت له .. وش رايك تلبس عباة وتسوي نفسك حرمه وتروح معي على انك زوجتي ... وهو الي يتغير وجهه وقال .. انا ولـد ابوي .. قلت له .. بالله .. توني ادري .. كنت احسبك ولد ابوي انا ..!! قال .. تستهبل يالزبال .. انا اسوي نفسي حرمه .. ياويل ويلي ويلاااه .. خيل الخيـل خيالها .. قلت له .. يارجال كلك تبـن لادوس في بطنك .. جالسين في مضارب الباديه احنا ..!! .. قال لي .. لا يا مصيول هذا شي ما اقدر عليـه .. وش اقول للجماعه ..؟؟ قلت له .. ومن قالك اننا بنحضر عرس .. حنا بنروح الشاليهات .. وانت ماراح تكشف وجهــك ابــد .. قال .. طيب ليش انت ماتسوي نفسـك حرمه وانا الرجال ..!! قلت لـه .. ياخوي انا ما اقدر .. لاني لا رجال نافع ولا حرمه نافع .. وبعدين حتى لو غطيت وجهـي بيكشفون اني ماني حرمه من ريحتــي الي كنها ريحـة شرابات عزوبي ... قال لي .. خلاص .. بس لاحد يدري ... قلت لـه .. ابشــر .. بس جهز نفسـك بكره بامرك ونروح ...
وأخـذت سيارة واحد من العيال .. ورحــت لبيت عبدوش ولقيت عنـد بابهم شحاده وهي الي تجـي تبي تركب .. قلت لها .. الله يعطينا ويعطيك ياخاله .... وانا الي اطلع من جيبـي ريال ونص كنت ناوي اشتري فيـه توكـس .. بس قلت مو خساره فيها عشان الله يوفقني .. وتوني افتح الدريشـه باعطيها .. الا وهي تقول افتح الباب الله ياخذ هالراس ..... الصوت مو غريب علي ..
يوووووووه عبدوووش.. وقال .. اييه عبدوش الله لا يبارك فيك .. افتح بسرعه قبل ما يطلــع احد من هلـي ... وفتحــت لـه الباب وركب .. وانطلقنا للشاليهات ... المهم وصلنا الشاليهات .... ونزلنا من السياره .. وامســك يـد زوجتي .. الي هـي عبدوش سابقا ... ودفعنا التذاكر .. ويوم جينا بنـدخل .. وقفنا الحارس الي على الباب .. وقال .. لحظــه لازم زوجتك تـدخل محـل تفتيـش النساء لاننا شاكين فيهـا .. قلت لــه .. ليش في مطار حنا .. تراه شاليهات .. بعدين وش فيها زوجتي ... ؟؟ قال الحارس ... ياخوي وش هالحرمه الي لابسـه زنوبه....!!!!! وانا الي اناظر في ارجول عبدوش الا فعــلا لابس زنوبه..!!!! يالله لاتفضحنا بـس ... وانا الي اقول للحارس ممكن تتركني معا زوجتي .. ابيها في كلمـة راس .. قال لي ادخل هالغرفه الفاضيه وتفاهم معاها ... وانا الي اسحب عبدوش للغرفه .... نعن ابوك يالغبي زنوبه مره وحــده ... قال .. وش اسوي مالقيت جزمـه كعــب على مقاسي ..... وقلت له .. اسمع نزل العباة على ارجولك عشان ماحد ينتبــه يالغبي
المهم .. اننا رجعنا للحارس .. واعتذرنا منه على سوء التفاهم .. ودفيناه بميـة ريال عشان يسكــت ... واول مادخلنا استاجرت شاليه صغيـر وقلت لعبدوش يجلــس فيــه .. وانا باروح ادور خويتي .... وطلعــت .. ودقيــت جوال على خويتي .. ووصفــت لـي مكانها ... تقول انها عنــد الشجـر الي جنـب المطعــــم ... وانا الي اروح هناك .. واجلـس ساعتين ادورها ومالقيتها ... وادق عليها جوال قلـت لها .. وينك فيــه لي ساعتين ادورك ... قالت .. انت ويـنك بالظبــط ؟؟؟.. قلت لها .. انا واقـف جنـب كيـس زباله .. وانتـي وينــك ..؟؟ .. قالت .. انا واقفه جنـب واحد شكلــه مجنون وعليه قل صـح ... وانا الي التفت وراي .. اووب .. هــذي هــي .... (( افا طلعـت انا المجنون الي تقصـده .. وطلعـت هي كيـس الزباله الي اقصــده ..!! ))
وهـي الي تنصـدم .. وقالت .. هــذا انت ..!! وين الوصـف الي تقول .. اجل طلال الرشيــد هاه .. امحـق طلال الي تشبـه لـه انـت ... (( صادتني ان عيوني مثل عيوون خالد الملا .. وجسمي مثل نبيل شعيل .. ..!! )) .. قلت لها .. لا انا فعلا مثل ماقلـت .. بس صار لي حادث هو الي اثــر على وجهــي .. ولا انا كنـت حلو ... (( اييه هيــن ..!! ))
قالت .. مو مشكلــه اهـم شي اسلوبك اعجبنـي .. قلت لها .. اشوى ان اعجبـك شـي فينــي .... وطلـبت منها انها توريني وجهها .. قالت .. طيب بس لا يشوفنا احـــد .. وانا الي اغطــي عليها .. وقلت لها .. يالله بسرعه .... وهـي الي ترفــع الغطوه .. وانا الي اضحـــك ..!! قالت .. وش فيــك تضحـــك ..؟؟ قلت لها .. يالله عاد بدون استهبال ....!! قالت .. وش فيـــك ؟؟ .. قلـت لها .. يالله بسرعه شيلــي القناع الي على وجهــك لا تستهبليــن ....!! وهي الي تقول .. هــذا وجهــي الصدقــي يالقرد ... وانا الي انصـــدم واحـس ان الارض تدور فينـــي ... وش ذا الوجـه الشين .. اول مره اشوف وجـه يطلــع منــه ريحــه مخيســه ... نعـن ابوها حتـى الشجــره الـي كنا واقفيـن جنبها رفعـت ثوبها وانحاشت وانا كنـت حاط في بالي كلام رومانسي جلست عشرين يوم احفظ فيـه .. عشان اذا شفتها اقوله لها .. بس يوم شفت وجهها الي كنـه وجـه واحد جالس في مجلس رجاجيل... وضيعت كل الكلام الي حفظتـه وقمـت الخبـط في الكلام .... سألتـها .. ليـش الغمـص ساكـن عيونك ..؟؟ جاوبتنـي ..مـن الأرق ..!! سألتـها .. طيب وش هالببسـي الـي مكبوب علـى ثوبك ..؟؟ جاوبتنـي .. هـذا موب ببسـي .. هــذا مـرق ..!! سألتهـا .. طيب ماعندك غيـر هالثوب ..؟؟ جاوبتنـي .. الا كان عنـدي بـس انســرق ..!! سألتهـا .. طيب مادامك شينـه وشهـولـه تغازلين ..؟؟ جاوبتنـي .. انا كنـت حلوه .. بس ان وجهـي انحـرق ..!! وسألتنـــي .. وش رايك فيني .. ما اشبـه باسكال ..؟؟ جاوبتهـا .. انتـي جسمـك جسـم باسكال .. بس الوجـه الله خلـق وفرق ..!! المهـم انـي ماقـدرت اتحمـل وجـههـا وقلـت لها .. انتـي جــدك الاكبــر كان غوريلا ..؟؟ قالت لي .. لا تطنـز انت ووجهــك .. انا اول كنـت مصـدقه ان الديناصورات انقرضت .. بس من يوم شفـت وجهــك عرفت ان هالكلام إشاعات ...!!! قلـت لها .. شوفي ياآنســه جراده .. انا ودي اجاملك واقولك كلام حلــو .. بــس وجهــك يقول مالك امـــل ..!! قالت لي .. والله حتـى انا بعـد ودي اقولك كلام حلو .. بس وجهــك ما يساعد .. وجهـك كنــه دعاية لا للمخدرات ..!!
المهــم .. ان كـل واحد منــا تفــل فـي وجـه الثاني ورحنا ... وانا مـن الصـدمـه توقف تفكيــري .. كل آمالي واحلامي راحت ادراج الدواليب .... وركبــت السياره .. ورجعـت للبيــت وانا متحــطم .. كنـت متخيــلها مثـل مايا نصــري ولا اليسـا .. وطلعـت مثــل فطومـه ... لا خلاص ماعاد ابــي اتعرف على بنات ...(( تكفـى آخر مره .. حرام تحطـم قلوب المعجبات يا راغب علامه .. اقول انطم بس)) الوكاد .. انـي سكرت باب الغرفـه .. ونمــت نومة عدوكم .. (( مسوي علوم رجال ..!!)) ومادريت اليوم الثاني الا بالي يرفس الباب .. وانا الي انقز من فراشي ... وش السالفه يالربع .. الا وهو ابوي يصايح .. افتـح يالسمرمـدي .. افتـح لابارك الله فيــك ... وانا الي افتــح الباب .... الا وابوي في وجهـي ووجـه مايطمـن .. وانواع التلحيـــط .. واخواني وامــي واقفيـن عنــد الباب يتفرجون الانذال ... من لقاها مصارعه على الطبيعــه .... المهم .. ان ابوي شغال ضرب فيني ويقول تتزوج من ورانا يالخسيــس .. قلت لـه .. والله ما تزوجت ... قال .. الا .. لان الشاليهات اتصلوا علينا وقالوا خـلوا مصيول يجي ياخذ زوجته الي نساها
امــس ... وانا الي تضيـع علومي .. وابي افهـم ابوي السالفه .. بس انــه شغال ضرب فينــي .. ماترك لي فرصـه .. وبعــد جـهــد جهيــد قــدرت انفــك مـن ابوي .. ورحـت لآخــر الغرفـه .. وياخذ ابوي نعال ويرميها علــي ... وانا الي اوخــر عنها بـسرعـه وامسكهــا بفمــي ...(( متأثر بالأفلام ..!! )) واخواني يوم شافوني سويت هالحركـه وهـم الي يصفقون ويصفرون لــي ... وانا الي اتحمــس .. وانـط على ابوي وامسـكــه مسـكــه منومــه .. خربها الغبـي مع ابوه..!! )).. وانا الي اقوم وامسـك ارجوله .. واسوي لـه حركـه مقصيــه عشان يستسلــم .. بس ما استسلم .. واخواني يقنعونه انــه يستسلــم بــس هــو عنيــد يحاول يـزحـف عنــد الحبال .. بس انا ماخليتــه يتنفــس ... وفجــأه .. اوووه .. لا تــدخل خارجي ... امــي جابت المقلاة ومحطتنــي علــى جبهتـــي محطــه مــدويه ... وتدخلوا اخواني ومسكــوا امــي وطلعوها برا الحلبــه .. ((عائله دلوخ )) المهم انــي دخــت وماعاد ادري ويـن انا وطحــت مكاني .. ويزحـف ابوي بشويش .. ويحـط يــده على صــدري .. ويعدون اخواني .. واحد .. اثنيـن .. ثلاثـه .... فاز ابوي هييييييييييييييييه ..((الحمد لله والشكر)) المهم اني فهمت ابوى السالفه ((ما اصلح في جريات ابد ((اعلم واكع على طول
روخنا انا وابوي عند زوجتي الي هيه عبدووووش
ونمر بيت ابو عبدوش(( النذاله فيني)) وصلنا السياره .. الا وابو عبدوش ماسك مفــك العجـل فـي يــده يحتــري ولــده ... وعبدوش مـن هول الصــدمه ماعاد شالته رجليــه .. طاح مكانه وقام يصيـــح ويولول ... واستلمــه ابوه انواع تفقيــع الوجــه وانواع الترفيع والتنزيــل .... وانا جالس اتفرج ومبسوط .. ومادريت الا وابوي ماسكني وانواع الركب .. وانا الي اصيــح فيــه .. هيه يابو الشباب .. حلى هــي ..!! توك طاقني قبـل شوي ...!! قال ابوي ... ايه صحيح .. بس عيـب الرجال يطـق ولــده وانا جالس اتفرج .. لازم اسوي شـــي انا بعـــد ...(( لا صراحه ان ابوي فاهم في الاصول .. طالع لي ..!! )) المهم .. عقــب الطــق الي كليتـــه انا وعبدوش .. تزاعلنا مـع بعــض .. وانا حرمت اتعرف على بنات .. ومثل ماقال المثــل .. ابعـــد عــن الشر ياعمري وغني لوووووه .. ودان دان لدانه دان واويلوووه مشكلني حبك ياروح الروح مشكلنـــي .. يالبيه يالبنات الي مع راشد في الفيديو كليـب .. اروووووح طحينيــه معاهم ... ((شكله ماتاب ناوي ينطق مره ثانيه ))
عسى ماطولت عليكم ان شاء الله تعجبكم وتقراوها كلها مع انها طويله lol!